សកម្មភាពយុវជនក្រវាញ លាស់ថ្មីចុះសម្ភារៈសិក្សា

ថ្ងៃសៅរ៍ ១០រោច ខែមិគសិរ ឆ្នាំកុរ ឯកស័ក្ក ព.ស ២៥៦៣ ត្រូវនឹងថ្ងៃទី២១ ខែធ្នូ ឆ្នាំ២០១៩

ក្រុមយុវជនក្រវាញលាស់ថ្មី ព្រមទាំងក្រុមការងារថ្នាក់កណ្ដាលចុះជួយស្រុកតាលោសែនជ័យ ,យុវជន ស.ស.យ.ក បានរៀបចំកម្មវិធីសប្បុរសធម៌ដោយមានការចែកជូននូវសម្ភារសិក្សាមួយចំនួនដល់សិស្សានុសិស្សនៅអនុវិទ្យាល័យកោះស្វាយ ស្ថិតនៅភូមិកោះស្វាយ ឃុំផ្ទះរុង ស្រុកតាលោសែនជ័យ ខេត្តពោធិ៍សាត់។ ក្នុងនាមយើងខ្ញុំយុវជនក្រវាញលាស់ថ្មី សូមថ្លែងអំណរអរគុណ ដល់នាយកដ្ឋានសុវត្ថិភាពចរាចរណ៍ផ្លូវគោក នៃអគ្គនាយកដ្ឋានដឹកជញ្ជូនផ្លូវគោក របស់ក្រសួងសាធារណការ និងដឹកជញ្ជូន បានឧបត្ថមមួកសុវត្ថិភាពចំនួន ៣០មួក ដើម្បីចែកជូនដល់លោកគ្រូ អ្នកគ្រូ ក្នុងការរួមចំណែក និងធ្វើជាគំរូដល់សិស្សានុសិស្សក្នុងការពាក់មួកសុវត្ថិភាពនូវពេលបើកបរ។